ဘုရားရှိခိုးပုံ ရှိခိုးနည်း

on Saturday, November 3, 2012

ဗုဒ္ဓဘာသာဝင်လူမျိုးတိုင်း သိသင့်သိထိုက်သော စာလေးလို့ ထင်ပါတယ်။ ဘာလို့လည်းဆိုတော့ ဗုဒ္ဓဘာသာဝင်တို့သည် တစ်နေ့ကို အနည်းဆုံးတော့ သုံးကြိမ်လောက်ဘုရားသွား ကျောင်းတက် ဘုရားရှိခိုး စသည်များ ပြုလုပ်လေ့ ရှိကြသော မြန်မာလူမျိုးမား အနေဖြင့် ဒီစာသားလေးက တစ်နေရာ တစ်စိတ်တစ်ဒေသ အနေဖြင့် အကျိုးရှိလိမ့်မယ်လို့ မျှော်လင့်မိပါတယ်။ ဘုရားရှိခိုးတဲ့နေရာမှာ ဒီအချက် ငါးချက်မှ ရှောင်ကြဉ်ပြီး ရှိခိုးလျှင် ပိုပြီး အကျိုးကျေးဇူးများပါတယ်။ "ဘယ,လာဘ,သံမောဟနှင့်၊ ကုလ,အာစာ မိစ္ဆာကျင့်ရိုး၊ မမျှော်ကိုးဘဲ၊ ရှိခိုးဦးချရာ၏" တဲ့။

၁။ ဘယ..ဆိုတာက.... ကြောက်လို့ ရှိခိုးရတာမျိုးမှလည်း ရှောင်ကြဉ်ရမယ်၊ တချို့ဘာသာတွေက ရှိခိုးကိုးကွယ်ရမယ် ဒီလို့မှမလုပ်ရင် သတ်ပစ်မှာ ကြောက်လို့ ရှိခိုးဦးချလိုက်တာတွေရှိတယ်လေ အဲမျိုးမဟုတ်ဘူး စိတ်ထဲက တကယ်ကြည့်ညို ယုံကြည်ပြီးတော့မှ ရှိခိုးဦးချရမယ်။

၂။ လာဘ....လာဘ်ကိုမျှော်ကိုးပြီး (တစ်နည်းအားဖြင့်တော့ ဒီလိုရှိခိုး ပူဇော်ရင်ဖြင့် ကောင်းကျိုး ချမ်းသာတွေ ရမှာဘဲဆိုပြီး လာဘ်ကိုမျှော်ပြီး ရှိခိုးဦးချမှုမျိုးမှ ရှောင်ကြဉ်ပြီး ရှိခိုးဦးချရမယ်။

၃။ သံမောဟ... အိပ်ချင်မူတူး တွေဝေမိန်းမော စိတ်မပါ လက်မပါ (ကလေးငယ်တွေလို့ မိဘများက သားသားလေး ဘုန်းဘုန်းကို ရှိခိုးဦးချလိုက်) လို့နဘေးက ၀ိုင်းတိုက်တွန်းလို့ ရှိခိုးဦးချမှုမျိုး မပြုလုပ်ရဘူး။

၎။ ကုလ..မြန်မာလူမျိုးဟာ ဘုရားကိုကိုးကွယ်သူတွေဖြစ်တဲ့ အတွက် ရှိခိုးဦးချရတယ်၊ မိမိရဲ့ မိဘတွေက ကိုးကွယ်တဲ့ဘာသာမို့လို့ ကိုးကွယ် ဦးချနေရတယ် စိတ်ပါလို့မဟုတ်ဘူး အဲဒါမျိုး ရှိခိုးဦးချခြင်းမှ ရှောင်ကြဉ်ရမယ်။

၅။ အာစာ...(အာစရိယ) ဒီဘုန်းဘုန်းကတော့ ငါကိုပညာသင်ပေးထားတာ ကျေးဇူးရှိတယ် သူကိုတော့ ရှိခိုးဦးချမှတော်မယ် သို့ မဟုတ်ရင် မကောင်းဘူး (ဆရာသမားကို ရှိခိုးဦးချခြင်းနဲ့ မဟုတ်ဘူး)တဲ့ တကယ်ကိုယုံယုံကြည်ကြည်လေးလေးစားစားရှိခိုးဦးချရမယ်.....အဲဒီလိုမျိုး ရှိခိုးဦးချမှ သာလျှင် ကိုးကွယ်ပုံကိုးကွယ်နည်း ရှိခိုးပုံရှိခိုးနည်း မှန်တယ်လို့ ရှေးဆရာတော်ကြီးများ မိန့်မှာခဲ့တာကို တစ်ဆင့်ပြန်ပြီး ပညာကိုပူဇော်တဲ့ အနေနဲ့ ဖြန့်ဝေလိုက်ပါတယ်။ အားလုံး ကိုယ်စိတ်ဖြာ ကျမ္မာကြပါစေ... အမှားပါရင်လည်းဖြည့်စည်းပြီးတော့ ဖတ်ပေးကြပါလို့ ပြောချင်ပါတယ်။ 

အရှင်ကေလာသ (ဂုဏ၀တီကျောင်း။ ဘုရားကြီးတိုက်)။

No comments:

Post a Comment